Bydd tîm ymroddedig Yr Ysgwrn bob amser yn ystyried eich anghenion ac yn teilwra eich ymweliad i sicrhau eich bod yn cael y profiad gorau o ymweld â’r safle. P’un a ydych yn ysgol neu’n grŵp mae digonedd i’w ddarganfod yn Yr Ysgwrn.
Profiad hanesyddol gyfoethog i grwpiau ac ysgolion
Mae drysau’r Ysgwrn bob amser ar agor ac yn barod i groesawu ymweliadau grŵp ac ysgolion.
Mae tîm ymroddedig Yr Ysgwrn wedi croesawu grwpiau di-ri dros y blynyddoedd a byddant yn sicrhau y bydd eich ymweliad â’r Ysgwrn yn un cofiadwy.
Grwpiau
Mae bob amser croeso cynnes i grwpiau cymdeithasol a chymunedol yn Yr Ysgwrn. Bydd tîm staff tymhorol Yr Ysgwrn wrth law i sicrhau fod eich ymweliad yn un cofiadwy.
Taith Ffermdy: £7.50 i bob aelod o’r grŵp
Taith Ffermdy, sgwrs, te a chacen: £12.50 fesul aelod o’r grŵp
Ysgolion
Er mwyn sicrhau’r profiad gorau i ddisgyblion ysgol, awgrymir mai 30 yw’r nifer delfrydol ar gyfer pob ymweliad ond os oes gennych chi grŵp mwy, cysylltwch â ni i drafod opsiynau.
Disgwylir i athrawon a chymorthyddion oruchwylio disgyblion ar y safle bob amser.
Taith dywys o amgylch y ffermdy: £5 y disgybl
Trefnu ymweliad fel grŵp neu ysgol
Cysylltwch â’r Ysgwrn i gychwyn trefnu eich ymweliad chi.
Cefnogaeth ariannol ar gyfer Costau Cludiant
Mae Awdurdod Parc Cenedlaethol Eryri yn gallu cynnig cefnogaeth ariannol ar gyfer costau cludiant i ysgolion sydd yn ymweld â’r Ysgwrn.
Ffurflen Cefnogaeth Ariannol ar gyfer Costau Teithio (PDF, 3.9MB)
Cynllun Ewch i Weld
Cynllun yw Ewch i Weld gan Gyngor Celfyddydau Cymru sy’n ariannu ymweliadau i ddigwyddiadau celfyddydol o safon mewn orielau, theatrau, canolfannau celfyddydol a lleoliadau eraill. Gall digwyddiadau gynnwys ymweliadau a pherfformiadau ac arddangosfeydd neu ymweliadau er mwyn gweld gweithwyr celfyddydol proffesiynol wrthi’n datblygu a chreu eu gwaith.
Asesiad Risg
Mae Awdurdod Parc Cenedlaethol Eryri wedi paratoi asesiad risg ar gyfer ymweliadau ysgolion.