Mae’r llawlyfr mordwyo ymarferol hwn – sy’n cynnwys technegau defnyddio map a chwmpawd – yn eich helpu i feistroli sgiliau allweddol angenrheidiol ar gyfer cerdded a mynydda. Fel canllaw bach, maint poced, mae hwn yn gydymaith delfrydol i chi fynd ag o ar y bryniau, a chan y bydd ymarfer yn perffeithio’r grefft, bydd yr amser a dreulir yn cyfeiriannu yn rhoi’r rhyddid a’r hyder i fwynhau ein bryniau a’n mynyddoedd. Mae’r penodau yn cynnwys cyfarwyddyd ar sut i ddarllen map, sefydlu lle’r ydych chi, cynllunio’ch ffordd / llwybrau, cyfeiriannu yn y nos neu mewn tywydd drwg, yn ogystal â manylion am gyfeiriannu GPS. Mae cyfeiriannu yn sgil sylfaenol hanfodol, a gyda llawlyfr hwn, gallwch fwynhau archwilio’r gwyllt gyda hyder. Mae’r arweinlyfr yn fach ac yn ysgafn, gyda siaced PVC amdano ac mae’n cynnwys cerdyn Cymorth Cyfeiriannu. Gyda diagramau llawn liw a ffotograffiaeth yn llenwi’r llawlyfr bydd hwn yn sicrhau eich bod yn mwynhau’r bryniau i’r eithaf.

Wedi’i ysgrifennu ar gyfer pob perchennog ci sy’n chwilio am deithiau cerdded didrafferth i’w mwynhau gyda’u cŵn, mae’r arweinlyfr hwn wedi ei gynllunio’n hardd ac mae’n llawn lluniau trawiadol – ac mae’n agor llygaid perchnogion cwn i 20 o’r teithiau cerdded gorau yn Eryri. Mae’r ardaloedd yn cynnwys: Betws y Coed, Capel Curig, Conwy, Yr Wyddfa, Dolgellau a Choed y Brenin. Gyda gwybodaeth glir, cyflwyniad ar gyfer pob taith a mapiau syml, hawdd i’w darllen, bydd y llyfr hardd hwn yn apelio at unrhyw un sydd am fentro allan i gefn gwlad gyda’u cŵn. Mae’r teithiau cerdded yn y llyfr wedi’i anelu at bob lefel o ffitrwydd a gallu – yn amrywio o deithiau cerdded byr ar hyd glannau llynnoedd i deithiau cerdded fwy heriol ar y bryniau. Does dim camfeydd, ac mae’r llwybrau yn sicrhau teithiau didrafferth ar gyfer y ci a’r perchennog ill dau. Bydd symlrwydd y canllawiau a’r mapiau yn apelio at unrhyw un sy’n byw mewn, neu’n bwriadu ymweld â Pharc Cenedlaethol Eryri.