Mae oriau agor Yr Ysgwrn yn amrywio o dymor i dymor. Dyma’r oriau agor diweddaraf:
Rydym ar gau i’r cyhoedd dros y gaeaf tan fis Ebrill 2025. Fodd bynnag, mae croeso i ysgolion a grwpiau bach gysylltu â ni i drefnu ymweliad drwy e-bost yr.ysgwrn@eryri.llyw.cymru. Byddwn hefyd yn agor ar gyfer digwyddiadau amrywiol dros y misoedd nesaf.
Mae ymweld â safle’r Ysgwrn am ddim ac yn cynnwys ardaloedd awyr agored prydferth i fwynhau picnic fel teulu, caffi sy’n gwerthu te, coffi, diodydd a chacennau a siop yr amgueddfa.
Gallwch hefyd fanteisio ar y llwybrau cerdded amrywiol sydd yn ymlwybro drwy’r ffermdir.
Os hoffech ymweld â ffermdy’r Ysgwrn, bydd angen archebu taith dywys ymlaen llaw. Bydd y daith yn rhoi cipolwg anhygoel i chi o fywyd cefn gwlad Cymru ar droad yr 20fed ganrif dan arweiniad un o staff tymhorol Yr Ysgwrn.
Rydym yn cynnal pedair taith dywys yn ystod y dydd. Mae mynediad i ardaloedd eraill o safle’r Ysgwrn, megis y siop, caffi, arddangosfeydd ac ardaloedd awyr agored am ddim.
